by Andy Oreta (9/12/2023)
Oreo
by Andy Oreta (9/12/2023)Oreo, Bunga ng
bawal na pag-ibig
Mula kay
Seria at Hachiko nagsanib na magkapatid
Oreo, Ang
asong kulang ng tulis at bangis
Ganoon pa
man, Nakakaaliw ka naman gid
Tuwing umaagos
ang tubig, Ikaw ay nag-iinit
Paikot-ikot sa
tubig, Para mong winawalis
Oreo, Hindi ka
man wais, Ikaw naman ay kaakit-akit
by Andy Oreta (9/11/2023)
“Seria” ang binyag sa iyo ni Julia
Bantay ng bahay, Sa garahe nag-iisa
Mga higanteng daga, Madalas mong mabiktima
Mga pusang kalye, Iyong mga kabaka
Sa maingay na paputok, Ikaw ay nababalisa
Matingkad mong tahol, Maasahan kapag may sakuna
Kung lambing ay gusto, Biglang titihaya
Kaunting himas lang sa tiyan, Ikaw ay masayang-masaya
Seria, Ang aming bantay, Ang mahal naming alaga
Noong kuting ka, Ang kyut kyut mo talaga
Tinawag kang “Nene,” Akala namin babae ka
Paglaki mo, Mali kami, Lalakeng pusa ka pala
Kaya “Nunu,” Ang naging tawag na sa iyo, Pusa
Sa umaga, nakatambay ka, malayo ang tingin sa may bintana
Sa hapon, Nakahiga sa mesa, Nakatihaya pa
Sa gabi habang may K-Drama, Nakikinood ka
Katabing nakikisalo at may chips na pabirito pa!
Sa maliit na kahon o butas, Sumisiksik ka
Ano bang mayroon sa kahon at komportable ka?
Sa mesang kainan, doon madalas kang nagpapahinga
Katabi mo ang mga pagkain na naka-ahin sa mesa
Sa looban ng bahay madalas nakabantay ka
Akala namin, Daga ang iyong pinupuntirya
Hindi pala, Gusto mo lang makihiga sa malambot na kama
Ay Pusa!, Di ka lang bida, Ikaw pala ang boss sa pamilya!
by Andy Oreta (9/9/2023)
Paglabas ko sa kuwarto naka-abang ka na
Wagayway ng buntot kaliwa’t kanan pa
Pag-upo ko sa mesa, Nakanganga ka na
Naghihintay ng almusal, Yung masarap na tira
Habang nagpapahinga at nanonood ng K-drama
Ikaw ay nakahiga paikot-ikot sa aking mga paa
Madalas nagpapansin para maglaro at magsaya
Ay Oscar, Sa loob ng bahay, Ikaw ay bida
Andy Oreta (08/29/2023)
Maaga aalis, Makaiwas trapik sana
Palabas pa lang ng bahay, may abala na
Kotse ng kapitbahay, Bakit naka-park sa tapat pa
Hoy trapik, Isa kang problema!
Biyahe sa kalye, Kotse’t trak nakapila
PUJ sa tapat, Sa bagal ng takbo ay isang aberya
Kaliwa’t kanan, Motorsiklo biglang haharurot pa
Hoy trapik, Nakakainis ka na!
Pagdating sa interseksyon, May ilaw trapiko na
Berde, dilaw at pula - Mga kulay na giya sana
Pero pag kulay berde, ang trato ni pulis ay pula
Hoy pulis trapiko, Litong lito ka ba?
Sa wakas malapit at makakarating na
Usok, init at pawis – aking naging parusa
Hoy trapik, Oras ko ay sinayang mo na
Mag LRT na lang ako, Makakaupo’t makaka-idlip pa!
NOTE: Ang tulang ito ay nabuo sa isipan ko habang nagmamaneho ng dalawang oras mula sa aking tahanan sa Quezon City papuntang Marco Polo Hotel sa may Ortigas Ave. Dati kulang lang 30 minuto ang biyahe.
